赤

营业中

休息中

最近發現銅鑼灣百德新街近油站，有間日式居酒屋，可能新開不久，暫時未係咁多人發現，入到店內感覺很悠閒但又富有日本格調。見到晚飯時段都有一些應該係新開張優惠，部份串燒係$38有兩串，超級抵食👏🏻👏🏻。我都叫左日本長崎雞心、雞賢、薩摩赤雞雞皮，都燒得好好食，雞皮更加正，超級脆卜卜👍🏻。另外有燒白鱔，又係魚皮脆脆，魚身啖啖肉，仲有好多魚油添😋。月見免治雞肉棒好厚肉，配上日本蛋，好黏、好滑，好味😋。主食有稻庭冷烏冬，將鵪鶉蛋同蔥，仲有Wasabi加入醬油撈勻，正。另外還有櫻花蝦鰹魚湯泡飯，本身櫻花蝦就好香，加上鰹魚湯好夾，清得黎又有甘純口感。good😋。簡單又開心又實惠的日本小店。