藍象泰國餐廳 (已結業)

今日朋友放假，約咗佢喺尖沙咀行街，天氣熱熱地，想食返啲酸酸辣辣嘅嘢，就決定食泰國嘢，OpenRice 見到海港城有一間藍象，見到裝修又好似都唔錯，就即管試一試。我哋叫咗 set lunch,我要咗個軟殼蟹芒果炒飯，上邊有啲炸到脆卜卜嘅羅勒葉，連埋芒果同炒飯一齊食又幾夾，軟殼蟹仲有兩大舊，好足料！跟餐叫左檸檬茶，冇咩特別。朋友就叫咗澳洲肉眼扒，下面有薯蓉同蘆筍，幾得意嘅係佢配羅望子汁！朋友話肉質好滑，仲好有牛味！配羅望子汁原來係咁夾既！下面既薯蓉好香牛油味，又香又滑！跟餐咖啡都唔錯！食物質素唔錯，絕對可以一試！建議大家坐窗口位，其他地方全部都好暗，夜晚嚟可能比較有情調，但日頭嚟背哂光連朋友個樣都睇唔到。