Gastrobox by Okapi Cafe (已結業)

星期天跟老公去西貢去搵食，行左大半個鐘，去比較下邊間食店檔好，見呢間門面幾西式而且午餐價錢合宜，所以決定幫襯。度門好大隻好重，推左一陣侍應終於來幫忙。被安排坐於門口僭建的2人枱，只有好小空間給我進入。。。好彩最近冇乜肥到。此店樓底高，掛了大吊燈及有西式壁爐，感覺十分舒適。先來一籃餐包，有4片法包及2粒細細粒的牛油粒。法包外脆內軟，而且為暖暖的，塗上牛油很快融入麵包中 很好吃。可惜牛油切成粒粒狀，又唔溶，好難搽。今日餐湯是清雞湯，裏面有蘿蔔西芹及麵，味道清甜，又有蔬菜味，感覺好健康。老公點咗燒羊架配雜菜($98)，我點了西西里海鮮5色飯($92)西西里海鮮5色飯顏色相當鮮艷，金黃色的飯，飯粒軟糯，醬汁很creamy 但略䶢。海鮮方面有蝦、魷魚、蜆同青口仔，份量多及新鮮。整體味道普通。羊架有3小件，肉嫩、淋，有羊肉味但唔蘇。但可食的肉不多。個醬汁跟羊架好夾，跟薯蓉食都好味。味道一般、服務一般。下次試下附近其他食店！