一品齋甜品屋 (已結業)

14/08/2005 16:00同女友行銅鑼灣，行到累累地想坐下，就去左一品齋。由於太耐冇黎，去到門口以為已經關門大吉，點知原來搬左去對面。坐下叫了熱桑寄生同麥米粥。記得細個時老媽子久唔久就會煲桑寄生，計起都有成十年未飲過。今次飲的同以前老媽子煲的一樣，散發著桑寄生獨有的香味，甜甜地入面有蓮子做配料。麥米粥而家好少地方有得食，都係甜甜地有米香，粒粒都爆開，食落又有少少o趙頭，不錯！多年冇黎難得水準仍保持，不過地點真係偏辟左少少。