The Coffee Academics (耀華街) (已結業)

返完一日工成個人都覺得好攰，同朋友約咗嚟呢間餐廳食晚飯，一睇到餐廳嘅環境就覺得好舒服，令人好想坐喺入面休閒一下，享受一下美食，同埋飲一杯特色飲品。我個人唔係特別喜好咖啡，不過見間餐廳嘅咖啡覺得好特別，所以就要咗一杯黑胡椒龍舌蘭糖漿牛奶咖啡，味道比一般咖啡特別好多，餐廳其實仲有好多好特色嘅飲品、花茶，同埋咖啡，大家可以試一試。至於嘢食方面都非常不錯，特別係韓式炸雞，外面嗰層炸得非常之脆，雞肉好有咬口，我自己一個都食咗好多，朋友都覺得十分好味，另外亦要咗一份all day breakfast同埋一份意粉，水準不俗👍🏻有機會一定會再嚟呢間食嘢同飲咖啡。