鋒哥廚房 (已結業)

平日趕返工，早餐唔係麵包就係香蕉，總之就快夾飽肚就得啦。放假喎！緊係要去慢慢嘆返個靚早餐啦。去《鋒哥廚房》坐住嘆，餐廳係元朗馬田路80號御庭居地下5號舖，好容易搵。裝修好有特色，坐喺度食嘢心情都靚啲。叫左個香煎雞扒早餐，早餐有雞扒🐔，薯餅🥔，太陽蛋🍳，牛角包🥐和番茄🍅，加埋杯香甜凍朱古力🍫，非常豐富。邪惡卡路里😈食左先講啦～雞扒同大陽蛋煎得好靚，因為我係會食埋雞皮的人，所以叫廚房煎到雞皮香脆啲👍，半熟太陽蛋，蛋黃可以流汁😋超正呀。香脆牛角包夾住雞扒，太陽蛋，薯餅和番茄，一齊放入口，好好味，好正！飲埋杯凍朱古力🍫，今日的早上非常美好！