無問題 (已結業)

貓貓係西貢度過左一個無壓力既夜晚。貓貓見到個氣氛已經忍唔住要入黎坐陣飲杯野。貓貓真係愛上左餐廳度假既氣氛，好慢活。貓貓坐低就order杯2towns blackberry cider。味道有點似紅酒，而且凍冰冰好fresh！貓貓最鍾意，飲下飲下貓貓濕左個嘴，開左胃。唔理咁多，貓貓order個香菇義大利飯。香菇既味道好特出，忌廉整得滑又香濃。貓貓好難唔食曬成碟。義大利飯既半熟米心真係會上癮。呢個口感貓貓好愛。蘋果肉桂奶酥。蘋果甜品整得好香。一上黎已經聞到陣味。甜品仲好熱，慢慢食，貓貓覺得好香。仲可以同雪糕一齊食，貓貓又濕左個嘴啦！貓貓下次黎西貢一定會再奶多一輪呢間悠閒的餐廳。