我叫左一個Lunch Set，主菜係炭烤西班牙黑毛豬扒配薯角，配餐湯同沙律。飲品方面就另外加錢叫左杯Green Tea Latte。
今日餐湯係意式番茄湯，比較稠身，味道幾濃，酸酸甜甜，好開胃。沙律嘅菜好新鮮，烤脆左嘅蒜蓉餐包亦都幾香脆可口。
炭烤西班牙黑毛豬扒配薯角
烤豬扒聞落有淡淡烤香味，塊豬扒好厚，質感較為實身，肉汁幾豐富。薯角亦都炸得香脆可口。
Green Tea Latte嘅拉花花紋好靚，綠茶味濃郁，整杯latte嘅口感亦算軟滑。
最後我亦都叫左個朱古力蛋糕做甜品。呢個蛋糕賣相好靚，加左金粉做裝飾。蛋糕質地好鬆軟，上面淋左可可粉，朱古力cream亦都不太甜膩，味道剛剛好，好好食。
