Oliver's Super Sandwiches (已結業)

3點係附近打完波，肚餓想食d野填肚先，突然醒起super sandwich新裝修後都未黎過，就去八一八 入面人不算多，一個人應該買完都可以搵到位，結果我就坐左高枱既一角~ 原本幾乎有梳化坐可以嘆下，不過都係太慢，唯有繼續留係高枱啦...  不過呢度裝修都幾靚, 好中意紅磚牆, 帶比人溫暖又放鬆既感覺叫左個三文魚碎蛋沙律既三文治，配忌廉磨菇湯 個湯暖暖的好味, 磨菇味幾重又夠creamy~  包都唔錯既, 三文魚食落新鮮, 係唔太中意洋蔥咁生, 有種草青味...  不過整體都可以~  下次如果坐到梳化就可以嘆到一個更悠閒既下午茶喇!