Cafe Paradise (東寶大廈) (已結業)

Tea Time時間搵間餐廳坐吓 chill吓 喺北角經過見到呢間新開嘅Cafe Paradise 就入咗嚟食個tea🙊餐廳環境都幾舒服 都有幾多座位 空間都夠寬敞 牆上面有啲霓虹光管嘅裝飾可以打吓卡㗎🤪吉列魚柳配黑松露醬配田園沙律 田園沙律幾清新 吉列魚柳唔算好大塊 但係勝在有兩塊🙊 做下午茶就啱啱好 黑松露醬係個重點 黑松露味好香 唔會過鹹 點埋魚柳食就好夾 不過略嫌魚肉有啲鬆散日式照燒吉列豬扒漢堡包配鹹蛋黃脆薯角 漢堡包外層烘到好脆 吉列豬扒唔算太厚 照燒汁甜甜哋 同個吉列豬扒幾夾 鹹蛋黃脆薯角就一般唔係太食到鹹蛋黃嘅味 另外唔夠脆 冇魚柳咁香口🥔 所以餐廳都提供咗茄汁 不過我覺得點黑松露醬會好食啲😛 食完兩款鹹食 當然要叫返個甜品 紅粉菲菲窩夫配雪糕 窩夫新鮮焗好 仲熱辣辣 配搭士多啤梨味雪糕 有冰火交融嘅感覺 窩夫覺得幾脆 值得一讚😬 今日嘅是日特飲係青蘋果梳打唔駛加錢就飲到 所以就叫咗試試 杯梳打只有微微嘅青蘋果味 比較淡芒果沙冰 夏天飲沙冰真係好爽😄 沙冰唔算太甜 好似唔會太肥啦Chocolate@Paradise 呢個係咁熱嘅天氣飲又係好正嘅 面頭嘅朱古力雪糕質素好好