Gastrobox by Okapi Cafe (已結業)

放假去西貢搵食，蕩到去後街見到有間門面都幾靚既餐廳，因為天氣太熱，嗱嗱臨入去坐低。一入到去侍應首先講唔好意思，沙發位已經被坐滿，要坐木櫈。其實個位喺走廊，有少少窄，不過算啦我好肚餓快d比野我食。(因為太肚餓一張食物相都無, sorry lol)叫咗鮮蝦扁意大利粉配菠菜忌廉汁($65)同埋香煎豬扒配燒汁($78)。首先上咗餐湯同餐包，餐湯係粟米濃湯，鍾意佢可以咬到一粒粒粟米個餐包有d冷冰冰柴皮既感覺，但係！配麵包嗰舊牛油好食！因為佢四方形一粒，令我聯想起某牛牛牌子既芝士粒！雖然唔知正體係咩，但夾包食一流！主菜上喇！個意粉好多料(注意，唔係多蝦，係多配料咋)，d菇呀蝦呀洋蔥呀配合得好好，個味好match！好食！第二個餐有兩塊手心咁大既豬扒，食第一塊既時候覺得都ok，唔鞋但未去到好稔既程度。食第二塊時可能因為唔夠汁，有d乾。不過加埋個好滑既薯蓉依個餐都合格的！價錢唔算太貴(對比起西貢一個all day breakfast可能都要百幾蚊)，食物質素又ok，可以encore！