Sevva (已結業)

今日放假約左好朋友下午茶, 難得見面所以一於食好D. high tea就索性要個tea set($720), 唔洗諗咁多.呢度地方闊絡, 所以傾下偈嘆下茶好舒服. 呢個下午茶甜點比較少, 咸野多, 感覺無咁漏.最上層有三文魚多士, 多士香口夠脆, 煙三文魚夠新鮮. 仲有墨魚汁蟹肉沙律漢堡, 呢個幾特別, 入面蟹肉沙律食落幾開胃, 墨魚汁包墨魚味唔算太濃, 不過賣相一流. 仲有蔬菜春卷, 炸得幾香口, 唔會太油膩.中層就有傳統式burger, 牛肉肉厚多汁, 夠juicy, 啖啖肉唔會韌, 麵包夠鬆軟. 雞肉三文治, 呢個比較普通, 雞肉淡淡地, 配埋蕃茄生菜, 清清地既三文治.  仲有蘑菇米通, 蘑菇咸咸地配淡味既米通幾夾, 而且食落索索聲好脆.最下層有栗子蛋糕, 栗子蓉唔算太甜, 配埋底層忌廉口感不俗.  朱古力蛋糕夠鬆軟, 而且朱古力味好香濃. 仲有海綿蛋糕, 幾鬆軟, 上面既忌廉唔會太甜.