惠 (已結業)

期待咗好耐，今日終於都可以去到呢度試吓惠既omakase！一直以來都好鍾意周圍搵嘢食，今次好難得，男朋友介紹咗呢一間餐廳！而呢一間餐廳亦都本身係我自己好想去嘅心水餐廳之一！所以真係好開心😌放假嘅時候周圍搵個舒適嘅地方好休閒咁食吓嘢傾吓計真係好開心！今次就叫咗一個有20款刺身魚生料理嘅菜單！全部都好出色好新鮮！望住廚師喺每一道餸嘅時候嘅講解，令到可以食每一啖嘅時候都知道係咩部位同埋乜嘢魚！最令我驚喜嘅係呢一個大大隻嘅生蠔！真係手板咁大隻，而且呢個生蠔啖啖肉好creamy!!好鍾意！食生蠔都可以分三啖咁食真係好爽！