MOONKOK (K11 Art Mall) (已結業)

開放式大窗台令到我選擇咗呢一間餐廳，感覺好chill，飲杯嘢Hea下休息吓啱晒。我叫咗杯Ginger Ale，至於我個friend叫咗支意大利礦泉水，真係健康到呢。叫完嘢飲梗係要叫嘢食啦，我哋揀咗甜番薯條配乳酪同埋香茅雞中翼。揀甜番薯條唔揀普通薯條主要因為平時都成日識到薯條，反而返薯條唔係度度都有，感覺上特別啲。佢呢個番薯條係點乳酪，味道都唔錯，絕對係茄汁以外嘅另一個好選擇。香茅雞中翼一共有六隻，味道都OK嘅，不過香茅味唔係好出，感覺上似普通炸雞翼，唯一好處係佢個炸脆漿唔係好厚。