NATURA : (已結業)

今日出開灣仔，餓餓地無意中見到呢一間coffee shop，就入去試吓。餐廳入面好寬敞，而且有好多植物嘅裝飾，整間餐廳俾人嘅感覺係好舒服。星期六下午人流唔算多，一入餐廳就可以直接入座。餐廳有最低消費，而且只可以坐90分鐘，所以爭取時間快快睇Menu叫嘢食。餐牌上食品嘅種類都幾多款式，今次揀咗一個溫泉蛋牛油果大啡菇酸種麵包，同埋叫咗一杯Dirty。酸種麵包外脆內軟，麵包上面有一堆大啡菇切片，中間有溫泉蛋同牛油果，最上面仲有一層芝士。大啡菇味道濃郁，唔需要太多調味已經好好味。令我覺得有驚喜嘅竟然係隔離棵羅馬生菜，上面嗰個醬非常清新，酸酸地好開胃。至於咖啡嘅味道亦都唔錯。嚟呢度渡過一個悠閑嘅星期六下午係一個唔錯嘅選擇。