蕉徑休閒村

营业中

休息中

30/9/2021 星期四，9月份的最後一天，剛好放假，一於找一處郊外鄉村嘅地方，嘆一嘆！這食店容易找到，揸車沿粉錦公路行，過咗golf club，再駛前一段路，就見到右手邊嘅蕉徑村路路牌，轉入去好快就到目的地。推開鐵閘，就見到好靚嘅花圃，又有假山流水，即時輕鬆晒！由於今日是閒日，所以人客不多，我哋隨意揀枱坐。店員友善介紹飲品及午餐。果汁即時新鮮榨汁，我哋叫咗蘋果西芹汁及蘋果紅蘿蔔汁，新鮮清甜。午餐有 ：-煙三文魚田園有機菜沙律，田園菜，鮮嫩可口。雞絲胡麻烏冬，好食，烏冬好彈口。焗咖喱雞田園有機雜菜配法包，法包係自家製，正正。咖喱雞，美味。奶醬厚多士，真材實料花生醬😋環境清幽，店主培植了好多盆栽，梗係要影相打卡啦！呢度都啱素食者，因為佢哋有一些食物款式，可以改為素食材料烹製。值得推介嘅食店。