Espresso Alchemy (美麗華廣場1期) (已搬遷) 新店位置

生活節奏緊張有時真係要嘆一嘆，慢慢食慢慢飲又係一種生活態度，品嚐美食之餘又鬆弛一下壓力，就好似係坐係咖啡店咁嘅環境同氣氛，平時都比較少去咖啡店食嘢多數飲嘢居多，心會諗一諗食物方面冇咁多款式選擇同質素又如何，不過未食過又點會知有冇驚喜，今次就去咗呢度開飯唔少得飲番咖啡提神講番餐牌除左主打飲特色咖啡外，都有提供一系列菜式由輕食已至主菜方便大家享用，我點咗款特別D小食係慢煮自家咖啡豬排骨，再點埋杯Sparking black 即係有氣咖啡飲住先至於主菜係阿根廷莎莎牛扒，又豬又有牛夠豐富唔知味道又如何，都要等一陣先有得食，先來係慢煮自家咖啡豬排骨已聞到醬汁濃郁因用了咖啡煮所以特別香，而肉質因慢煮過會比較細嫩飽滿，輕輕咬一啖食到肉汁香濃又滑溜，越食越惹味又估到咁好食有水準輪到主菜莎莎牛扒賣相一流肉質呈現半鮮紅煮得時間啱啱好再配合香料烹調，當然先食番一片入口香嫩又帶點脂肪香甜，慢慢咀嚼口感十足味濃厚再飲番啖香濃咖啡簡直完美嘅一餐。