影片
更多
2019-04-30
830 浏览
今日同男朋友都ot，原本book左嘅餐廳食唔到，返到嚟元朗見岩岩好宵夜時段，又講左好耐想嚟朝聖下悟空，左思右想下就入左去啦。就咁睇宵夜餐好似幾抵咁，我地嗌左個B餐外再加左個五品菇菇同四片牛舌。跟住就係今晚嘅重點....因為要點腹胸肉先會有紀念品送，所以就一定要叫啦！呢個係宵夜餐牌點左嘅嘢食，牛角啲肉一直有保證，所以都好好食嘅。個餐包兩杯飲品，牛角特飲我覺得偏甜，而男朋友個乳酪特飲呢佢就話冇味，好似普通梳打水咁。然後重點嚟啦，呢個腹胸肉會跟三個汁，第一個係辛辣汁，唔係真係好辣，唔太食得辣嘅人都食得到；第二個係蜜糖芥末，我覺得佢同「金拱門」嘅麥樂雞醬一樣，但用嚟點牛肉又幾夾；最後就係睇落好核突嘅菠菜汁，出奇嘅好味，咸咸地咁唔會有草青味，所以唔好俾佢外表呃左，它很醜但很夾味。重要嘅係佢有我隻手咁長👍🏼👍🏼👍🏼👍🏼👍🏼呢個肉嘅質感真係好軟腍，就算燒耐左都唔會”un” 真係好好食，絕對係食過返尋味。到最後當然有嗌返個代表住悟空爺爺嘅四星球啦。上到嚟有啲失望，因為都幾求其下，但影相出嚟效果又ok喎😂真係濾鏡的重要性。佢係雲尼拿雪糕嚟，個雪糕質感有啲黏，應該係重奶油嘅效果。上面就係似芬達汽水味嘅啫喱
就咁睇宵夜餐好似幾抵咁，我地嗌左個B餐外再加左個五品菇菇同四片牛舌。
跟住就係今晚嘅重點....因為要點腹胸肉先會有紀念品送，所以就一定要叫啦！
呢個係宵夜餐牌點左嘅嘢食，牛角啲肉一直有保證，所以都好好食嘅。
個餐包兩杯飲品，牛角特飲我覺得偏甜，而男朋友個乳酪特飲呢佢就話冇味，好似普通梳打水咁。
然後重點嚟啦，呢個腹胸肉會跟三個汁，第一個係辛辣汁，唔係真係好辣，唔太食得辣嘅人都食得到；第二個係蜜糖芥末，我覺得佢同「金拱門」嘅麥樂雞醬一樣，但用嚟點牛肉又幾夾；最後就係睇落好核突嘅菠菜汁，出奇嘅好味，咸咸地咁唔會有草青味，所以唔好俾佢外表呃左，它很醜但很夾味。
重要嘅係佢有我隻手咁長👍🏼👍🏼👍🏼👍🏼👍🏼
呢個肉嘅質感真係好軟腍，就算燒耐左都唔會”un” 真係好好食，絕對係食過返尋味。
到最後當然有嗌返個代表住悟空爺爺嘅四星球啦。上到嚟有啲失望，因為都幾求其下，但影相出嚟效果又ok喎😂真係濾鏡的重要性。
佢係雲尼拿雪糕嚟，個雪糕質感有啲黏，應該係重奶油嘅效果。上面就係似芬達汽水味嘅啫喱，我覺得個啫喱幾好食，同埋佢都做得比較硬身。
最後當然要show下我今餐飯嘅目的啦🤣
其實我覺得佢個宵夜時段咁樣食仲貴過我正常時段嚟食信用卡優惠餐，信用卡餐有晒沙律前菜肉類海鮮蔬菜飲品，兩個人埋單都係500蚊左右，包你飽。
但呢個宵夜餐食完，男朋友大人話佢品飽，仲要係600蚊埋單，不過貴左都冇辦法，因為今餐嘅主角品係食物，而係悟空🤣
张贴
