色彩泰國菜

营业中

休息中

上网见到佢有包厢几特别，就带埋朋友只狗狗嚟食晏。本身book咗早啲，但系有啲事赶唔切嚟，打电话去改时间，个职员都好有耐性再安排晏少少俾我哋。同埋以为佢下午茶时段剩系得粉面，点知原来都可以照叫午餐同埋餐牌上面所有嘢，咁就安心可以改晏少少。早咗半个钟头到，佢就叫我哋喺私家车里便等住先收拾好枱之后嘅话就call我哋入去，呢度唔使客人喺室外等，又要再赞一赞个职员。另外侍应服务好，同埋对啲宠物都友善。另外食嘢方面，大部份都几出色，个虾油炒饭几香都炒得好干身。个肉碎银针粉，肉碎几够火候，但系就肉碎偏少。泰式生虾新鲜爽口，个汁加埋个片辣椒超抢喉，食得辣嘅朋友值得推荐。龙眼冰都好好饮唔会太甜又多龙眼肉，简直系解辣首选。不过午餐加配嘅小食两只鸡翼就略嫌韩血酸少少，佢系整单支鸡翼为两只，虾饼就系得一件。反而另外叫嘅沙嗲串烧同埋个牛脷，有炭烧风味。牛脷亦都好淋滑，性价比反而高好多。整体嚟讲用餐时间90分钟系足够嘅，包厢大，又有冷气坐六七个人都冇问题。整体食物味道都水准，短期内再食嘅机会都几大。