蟹慶 (已結業)

呢個特選會席套餐好豐富，首先係鴨胸沙律，上面鋪咗滿滿嘅蟹籽，配上沙律醬汁，格外清新，仲有牛蒡同埋螢光魷魚。香煎鴨肝多士，鴨肝好大份，油香四溢，入口即溶，配上脆卜卜既多士，食到停吾到口。時令刺身，有四款刺身，全部都好新鮮！黑魚子海膽蟹肉蒸蛋賣相好靚，蒸蛋上面舖滿黑魚子，海膽同蟹肉，蛋入面仲有帶子等等嘅海鮮，好足料！毛蟹原隻上，餐廳已經預先剪好晒，我哋只要一拆就食得，唔會整污糟隻手，肉質鮮甜，好新鮮，配上日本醋，十分美味。鹿兒島A5和牛入口即溶，牛味濃郁，燒得啱啱好，配上兩款醬汁，層次更豐富。浜燒松葉蟹柳同松葉蟹肉蟹膏炒飯都好出色，炒飯嘅份量好多，而且入面有好多好多蟹肉，雖然已經好飽但係都想食晒佢。最後芝士蛋糕作為甜品，好香好軟滑，簡直覺得成餐飯都身置於日本！