影片
更多
2023-07-29
68 浏览
位於旺角朗豪坊4樓，採取商場內的自然光及中央空調，陽光柔和而不刺眼，而且特地在座位頂再設置了大陽傘，儘管是炎熱的夏天用餐也非常舒適。平日午市時間12:30都幾爆場，相信都幾受熟客仔歡迎🤭餐廳的北海道湯咖喱，入口都讓我禁不起懷念札幌的味道。我同朋友先點咗一杯巨峰乳酸梳打同金橘百香果烏龍茶，消暑得來解渴，夠哂香濃冰凍！主打嘅湯咖喱，要揀咗配料款式再選擇主食，可以揀烏冬、米飯或者拉麵，湯底除咗原味仲有椰子味同櫻花蝦濃湯，採用北海道洋蔥及新鮮蔬菜嘅香甜湯底，就算係原味都非常鮮甜！（我朋友點咗，所以我試咗少少🎶）因為我同朋友都唔好食辣，湯底我哋分別點咗BB辣同埋微辣，而我哋分別點咗一款米飯同烏冬作為主食。雞串、法蘭克福腸、唐揚炸雞、日本厚切煙肉配米飯（BB辣）成個感覺有少少似「雜扒」套餐，配料非常豐富！法蘭克福腸非常大條！仲有齊蔬菜、糖心蛋等配料，每一啖原味咖喱湯都香濃鮮甜💕炸蝦天婦羅湯咖喱配烏冬（微辣）炸蝦天婦羅感覺炸粉比較多，蝦肉比較少，不過好香脆可口，跟埋櫻花蝦濃湯咖喱真係非常夾味！烏冬屬於比較幼身嘅細長軟滑烏冬，相對朋友點嘅款式，突然覺得配料好似有啲差距，但勝在蔬菜份量真係夠多，食完其實
位於旺角朗豪坊4樓，採取商場內的自然光及中央空調，陽光柔和而不刺眼，而且特地在座位頂再設置了大陽傘，儘管是炎熱的夏天用餐也非常舒適。平日午市時間12:30都幾爆場，相信都幾受熟客仔歡迎🤭餐廳的北海道湯咖喱，入口都讓我禁不起懷念札幌的味道。
我同朋友先點咗一杯巨峰乳酸梳打同金橘百香果烏龍茶，消暑得來解渴，夠哂香濃冰凍！主打嘅湯咖喱，要揀咗配料款式再選擇主食，可以揀烏冬、米飯或者拉麵，湯底除咗原味仲有椰子味同櫻花蝦濃湯，採用北海道洋蔥及新鮮蔬菜嘅香甜湯底，就算係原味都非常鮮甜！（我朋友點咗，所以我試咗少少🎶）因為我同朋友都唔好食辣，湯底我哋分別點咗BB辣同埋微辣，而我哋分別點咗一款米飯同烏冬作為主食。
雞串、法蘭克福腸、唐揚炸雞、日本厚切煙肉配米飯（BB辣）成個感覺有少少似「雜扒」套餐，配料非常豐富！法蘭克福腸非常大條！仲有齊蔬菜、糖心蛋等配料，每一啖原味咖喱湯都香濃鮮甜💕
炸蝦天婦羅湯咖喱配烏冬（微辣）炸蝦天婦羅感覺炸粉比較多，蝦肉比較少，不過好香脆可口，跟埋櫻花蝦濃湯咖喱真係非常夾味！烏冬屬於比較幼身嘅細長軟滑烏冬，相對朋友點嘅款式，突然覺得配料好似有啲差距，但勝在蔬菜份量真係夠多，食完其實已經好飽肚😂
日式炸餃子餃子外皮香脆，入面充滿肉汁，點埋特製嘅醬汁酸酸地好開胃。
唐楊炸雞每一粒都非常好肉地，炸皮唔會好厚身，肉質仲保持鮮嫩嘅狀態👍🏻👍🏻👍🏻個人覺得呢款小食喺必點🤭點埋沙律醬簡直係美味但肥仔之選😂
甜品如果見到收銀枱嘅牛奶孖公仔，就知道佢哋嘅主打都有季節限定嘅日本軟雪糕！使用日本3.5生乳軟雪糕(窩夫筒），牛奶味非常香濃！入口滑一滑！而日本千葉和梨軟雪糕（窩夫筒），真係好重梨嘅香甜果香味，清新又不會太甜🥰兩款都各有特色！啱晒夏天用嚟餐後享用或者行過嚟單買又得！
张贴
