影片
更多
2022-12-10
4420 浏览
2022年11月30日 星期三今晚收工之後就約左老婆係旺角食日本野，因為好掛住日本既食物，但又無得去旅行，唯有係香港發掘高質素嘅日本餐廳呢間餐廳位於旺角朗豪坊附近，地點好方便，容易搵到，一上到去見到裝修就感覺置身於日本既居酒屋之中，因為主要用左實木配以柔和嘅燈光，我哋被安排坐係bar枱，可以睇到餐廳每日新鮮到運嘅海鮮，用冰蓋住，保持新鮮嘅狀態餐牌上都有幾多選擇，除咗有季節限定嘅生蠔之外，仲有串燒、刺身同小食等等，價錢係旺角嚟講唔算太貴，而且圖片都幾吸引，最後我哋帶咗幾個小食、生蠔同串燒等左一陣食物就開始陸續送到，首先有安康魚肝酢物，口感幾特別，一d都唔腥，上面仲有明太子，一齊食落去酸酸辣辣幾醒胃之後有生蠔set，有四隻生蠔，每一隻都好大舊，而且食落去完全冇蠔殼，清洗得好乾淨，又食到海水味，點少少檸檬汁就更加鮮味再黎有柚子真鯛壽司同葱粒吞拿魚蓉壽司，無論真鯛同吞拿魚蓉都好新鮮，真鯛上面加上柚子皮一齊食，鮮味會更加突出，唔需要點醬油都好夠味，而吞拿魚蓉既份量都唔少，啖啖肉呢一個係沙追魚天婦羅盛合，沙追魚好大塊，完全無骨，裡面既魚肉仍然好嫩滑，而且炸漿唔算太厚，唔怕食到成口都係粉另外，蝦天婦
今晚收工之後就約左老婆係旺角食日本野，因為好掛住日本既食物，但又無得去旅行，唯有係香港發掘高質素嘅日本餐廳
呢間餐廳位於旺角朗豪坊附近，地點好方便，容易搵到，一上到去見到裝修就感覺置身於日本既居酒屋之中，因為主要用左實木配以柔和嘅燈光，我哋被安排坐係bar枱，可以睇到餐廳每日新鮮到運嘅海鮮，用冰蓋住，保持新鮮嘅狀態
餐牌上都有幾多選擇，除咗有季節限定嘅生蠔之外，仲有串燒、刺身同小食等等，價錢係旺角嚟講唔算太貴，而且圖片都幾吸引，最後我哋帶咗幾個小食、生蠔同串燒
等左一陣食物就開始陸續送到，首先有安康魚肝酢物，口感幾特別，一d都唔腥，上面仲有明太子，一齊食落去酸酸辣辣幾醒胃
之後有生蠔set，有四隻生蠔，每一隻都好大舊，而且食落去完全冇蠔殼，清洗得好乾淨，又食到海水味，點少少檸檬汁就更加鮮味
再黎有柚子真鯛壽司同葱粒吞拿魚蓉壽司，無論真鯛同吞拿魚蓉都好新鮮，真鯛上面加上柚子皮一齊食，鮮味會更加突出，唔需要點醬油都好夠味，而吞拿魚蓉既份量都唔少，啖啖肉
呢一個係沙追魚天婦羅盛合，沙追魚好大塊，完全無骨，裡面既魚肉仍然好嫩滑，而且炸漿唔算太厚，唔怕食到成口都係粉
另外，蝦天婦羅同冬菇天婦羅食落去係外脆內軟，蝦夠晒彈牙
跟住有海膽海鮮杯，賣相好精緻，裡面有海膽、三文魚籽、吞拿魚蓉、帆立貝刺身粒同牡丹蝦，味道十分豐富，而且幸福嘅感覺即時流露出黎，海膽實在係無得輸，又creamy又唔腥
呢個係厚切蒲燒鰻魚，鰻魚真係好厚身，食落去有魚油走出黎，魚質嫩滑，上面既鰻魚醬都好惹味，可惜每人得一舊，下次一定要叫多啲
最後當然唔少得有串燒啦，我哋分別點左豚肉秋葵、煙肉車厘茄、雞髀肉同牛肋肉等等，全部都熱辣辣，而且燒得好香，無諗過豚肉同秋葵都幾夾，口感唔錯，就算我唔太鐘意食秋葵都食到入口，車厘茄燒完之後裡面仲有好多汁，酸酸甜甜咁
埋單每人大約$380左右，食左好多野，亦覺得好滿足！！！
张贴
