牛奶冰室 (置富第一城商場)

星期四放假 通粉㽼起 第一時間諗起澳X牛奶 但星期四好似休息 喺附近有間牛奶冰室都有火腿通粉食 開咗咁耐都未試過即管試吓 蛋同多士都普普通通 但個通粉一嚟到即刻有啲驚嚇 用個大大嘅湯碗裝住 上邊有啲碎嘅綠色菜 望落真係有啲恐怖兼驚嚇 試第一啖 嘩點解係甜嘅？係落砂糖嗰隻甜 跟住嘅味道就好似係花奶加水再加啲牛油咁 可以講咁大個仔未食過碗咁唔好食嘅通粉 食咗唔夠五啖頂唔順放棄 仲有想講杯奶茶顏色正常 但完全冇茶香味 一啲都唔滑 唔該呢間嘢嘅有關人士睇到呢篇食評自己認認真真試吓自己的出品 以上純粹個人意見口味 大家有興趣可以去試試