小火焰韓式咖啡廳 (觀點中心) (已結業)

友人今日生日，就帶佢去觀塘行街食飯，係觀塘比我地發現左呢間cp值極高既韓國餐廳，非常抵食。下午茶同晚飯一齊食，兩人都食得好滿足。首先我地叫左個芝士海鮮菜餅，皮薄喊靚，芝士可以拉思好長好好味，而且海鮮都好多。再試下個韓式甜辣年糕炸雞半份，份量十足，係我最鐘意既韓式甜辣醬，啲雞非常脆口。再叫多半份蜂蜜提子脆米炸雞，蜂蜜甜味好特出，而且唔會好油膩，非常香脆可口。再叫左個韓國炸雞拼盤下午茶餐，樣樣齊全一次過可以試到好多唔同種類既野，十分滿足。跟住就係下午茶芝士夾餅，中間夾住層厚厚芝士，香濃既芝士味食到流晒口水。再黎就係溫泉蛋牛肋肉鍋飯，呢個非常creamy，汁非常多，鍋蛋係佢既靈魂所在，撈咪一齊食真係十分好味。跟餐可以加3蚊叫多個凍蜂蜜柚子茶，甜度岩岩好，好岩女士飲，唔怕肥。友人就叫左杯熱蜂蜜紅棗茶，都係好岩女士們，非常滋陰補血。最後緊係唔小得既甜品啦，我地叫左糯米糍3.6牛奶乳雪花冰，係棉花冰，呢個真係世界級值得一試。