The BASE nature (已結業)

之前食過佢既黑松露米型粉，念念不忘，所以再黎食過。.晚餐訂左位，餐廳平日晚市唔算多人，可能係疫情影響。店員都serve得好好，會比個箱你放袋。.今次照舊嗌黑松露米型粉，配大啡菇。今次係比佢舊大啡菇surprise到，好juicy，菇味好濃，配埋陣陣黑松露香味，呢個菜一定要試。另外我地仲嗌左個豬鞍，一樣好好味，好juicy，煮得岩岩好，唔會太老。湯同野飲方面，湯係咖喱薯仔湯，味道同質地都幾濃，飲飲下好似飲汁咁，個湯幾得意，鐘意咖喱薯仔既朋友可以試下。另外嗌左冷泡蘋果桃果茶，飲落果茶味香，有陣陣蘋果同桃既香味，都幾fresh。杯mocha都沖得好好，唔會太甜有帶到咖啡餘韻，會再encore。