翔壽司 (已結業)

收藏已久的餐廳，誠意分享！尖沙咀厚福街，成條街咁多餐廳，要站立得住一啲都唔容易！翔壽司係一間好細嘅壽司店，本身做立食，但其後加咗啲櫈，大家就唔駛企係度都可以好好地享受壽司！每次嚟必叫香蔥吞拿魚細卷，三文魚壽司，魴鮄壽司。仲有一件好特別嘅壽司吞拿魚腦天，師傅話係吞拿魚頭頂果片肉，一條魚只有一小條，好矜貴！之前食過，真係好香，似toro 嘅感覺！但始終都唔平今次就冇食喇！介紹番今次食果啲先！係呢度叫咩都好有信心，樣樣都好新鮮！有日本嘅感覺，肺炎期間去唔到日本旅行，就嚟食下壽司止下日本癮先！