Ember (已結業)

今日係長假期後第一日返工，食晏要食得開心啲！都有一段時間冇黎到ember食lunch，就同個同事兩個過嚟食個靚lunch ,順便吹水一番！我本人其實唔係太過肚餓，所以我叫咗個燒銀雪魚配薯蓉，一如以往嘅好，雪燒得金黃而肉質鮮嫩，分量剛剛好，配埋個超滑忌廉薯蓉，仲有啲配料簡直係無敵！唔記得咗提一提餐湯，翠玉瓜忌廉湯，真係好鮮甜好滑。同事order左個豬鞍，大大份，聞到個味超香已經知道有幾好食，試咗佢一舊，肉質鮮嫩又唔鞋，肉汁鎖住喺肉入面，咬感十足，肉汁係個口入邊蕩氣迴腸！下次再嚟我要試呢個。最後，食埋個雪芭做甜品，圓滿嘅一餐！又要繼續返工啦！