和藏 (已結業)

或者地點不是太方便，但係可能因為舖租比旺區平好多，所以付出既價錢大部分喺食物度，變左食物質素高，而且種類同份量都好多，如果有時間，非常值得去食！私房菜既點菜方式，人頭計，而且仲有自助餐食物再加埋shabushabu，包保夠食。清酒煮南非六頭鮑魚每個人只係四百蚊，竟然食到六頭鮑，仲要係好鮮味，又彈牙，又有囗感，而且用清酒煮更能提升鮑魚既鮮甜，完全保留鮑魚既味道，原汁原味，ichiban!即煎小牛扒小牛扒來自北海道，而且佢既上法好特別，用先預熱既鐡板，即刻煎熟，而且自己煮自己控制熟度，肉質好滑，牛肉味濃，肥瘦適中，所以入口好滑自助餐自助餐食物種類繁多，除左沙律菜、湯、shabushabu 配料外，仲有長腳蟹，長腳蟹肉質彈牙，味道鮮甜，一個人可以起碼食三枝，而且仲有甜品，即煎pancake! 有專人即叫即整，pancake 皮熱辣辣，入面包住朱古力雪糕，以呢一個咁正既甜品為呢一餐飯劃上完美句號，大．滿．足!