翔壽司 (已結業)

位於尖沙咀美食林立既地方，呢間omakase果然要夠好味質素夠高先可以立足，雖然就店舖細細，但設備都夠曬齊全，有display櫃可以即時睇到刺身既狀態，非常透明，完全知道自已食緊乜，同埋食物既質素。另外，仲特設有高身display櫃，隔住左師傅半個頭，係疫情下就梗係食得夠曬安心仲放心喇，同埋有d人shy d既，or唔太鐘意同師傅面對面既，都食得比較自然d。整體黎講，刺身都算幾新鮮，而且色澤都唔錯，入口幾美味，特別推介大家食佢個拖羅，比出面切得厚身d，食落更加有口感，同埋比大拖羅，所以食落好有油脂感，入口即溶既感覺。壽司飯方面，師傅即場包既，所以都幾新鮮，仲有少少痴身，醋既比例都岩岩好。整體黎講，性價比高值得一試。