影片
更多
2017-01-22
417 浏览
嗱，食自助餐有咩攻略?唔貴嗰樣唔食唔著skinny jeans，識穿梗係著橡筋頭褲同連身裙成日唔食嘢，留番嗰quota去食M佬呢個黑洞就咩攻略都唔洗，佢好似想食晒人哋餐廳啲嘢，食成幾十轉!! 同佢食自助餐，一定唔會蝕!!話說，某日嚟咗新開嘅尖沙咀美麗華商場My Day試試佢個buffet，性價比認真高!首先，每人有一份My Day三重奏，呢個小食一啲都唔少嘢!!第一味係黑松露燴鮑魚。大家請留意係一隻鮑魚，唔係得鮑魚粒，真係好足料!! 鮑魚炆得好淋身，非常彈牙!!! 黑松露加埋啲菇粒，好有口感，味道啱啱好!!第二味係海膽伴三文魚籽。海膽唔係好肥美鮮甜，配豆腐又幾清新。第三個係香脆鵝肝伴果蓉。嗰鵝肝煎到好香脆，食嗰陣仲好暖，下面啲果蓉好有驚喜，甜甜地，好醒胃，正!!食完三小碟，係時候食冰鎮新鮮波士頓龍蝦啦，每人半隻，賣相真係好吸引，擺晒pose咁!! 龍蝦身勁大舊肉，仲好爽口!!價錢仲包埋一客佛跳牆，一打開就聞到好香!! 嗰湯底好鮮味，有冬菇、瑤柱、花膠、瘦肉同圓肉!! 依家新張期內，仲有得任食佛跳牆，真係好抵! 呢個M佬一聽到就即刻出去拎多碗，有無食到咁多呀??登登登.....凳!!!
唔貴嗰樣唔食
唔著skinny jeans，識穿梗係著橡筋頭褲同連身裙
成日唔食嘢，留番嗰quota去食
M佬呢個黑洞就咩攻略都唔洗，佢好似想食晒人哋餐廳啲嘢，食成幾十轉!! 同佢食自助餐，一定唔會蝕!!
話說，某日嚟咗新開嘅尖沙咀美麗華商場My Day試試佢個buffet，性價比認真高!
首先，每人有一份My Day三重奏，呢個小食一啲都唔少嘢!!
第一味係黑松露燴鮑魚。大家請留意係一隻鮑魚，唔係得鮑魚粒，真係好足料!! 鮑魚炆得好淋身，非常彈牙!!! 黑松露加埋啲菇粒，好有口感，味道啱啱好!!
第二味係海膽伴三文魚籽。海膽唔係好肥美鮮甜，配豆腐又幾清新。
第三個係香脆鵝肝伴果蓉。嗰鵝肝煎到好香脆，食嗰陣仲好暖，下面啲果蓉好有驚喜，甜甜地，好醒胃，正!!
食完三小碟，係時候食冰鎮新鮮波士頓龍蝦啦，每人半隻，賣相真係好吸引，擺晒pose咁!! 龍蝦身勁大舊肉，仲好爽口!!
價錢仲包埋一客佛跳牆，一打開就聞到好香!! 嗰湯底好鮮味，有冬菇、瑤柱、花膠、瘦肉同圓肉!! 依家新張期內，仲有得任食佛跳牆，真係好抵! 呢個M佬一聽到就即刻出去拎多碗，有無食到咁多呀??
登登登.....凳!!! 大家記住食埋呢個即燒美國安格斯肉眼扒，即叫即燒，嚟到熱辣辣!! 我哋揀咗5成熟，好juicy，好香牛味，好好味!!
呢度嘅冷盤真係好多選擇，海鮮就有成七款咁多，三點蟹、蜆、海蝦、阿拉斯加蟹腳、青口、翡翠螺同龍蝦鉗!!! 識食梗係食龍蝦鉗，大大隻，啖啖肉!!
仲有Cold cut、煙三文魚、壽司、龍蝦芒果杯、前菜、沙津!!
自助餐就梗係仲有刺身啦，呢到質素唔錯，三文魚好肥美，油甘魚好鮮甜!
生滾海鮮粥好有驚喜，大家可以自選配料，有蟹、蝦、青口、螺等海鮮! 入口勁鮮味，原來粥底係用瑤柱煲，唔怪得之啦!!
熱盤都有好多選擇，有成排咁長!!! 泰式豬頸肉、牛油長腳蟹、日式清酒煮蜆、煙鴨胸、清蒸海上鮮等等!! 嗰豬腳薑好入味，正!!! 姊妹們可以補一補!!
未完呀，當然仲有甜品啦，款式都幾多吓，應該滿足到各位姊妹嘅第二個胃!! 有各式蛋糕、鮮果撻、奶凍、玫瑰香芒mousse、朱古力三重奏!! 真係太多，影唔晒!!
最後，記住記住記住食埋Mövenpick雪糕先走，任食㗎!!
依家到3月31號，星期一至四，成人每位$398 (原價$498); 星期五至日， 成人$498 (原價$598)，4至12歲小童半價。不過農曆年初一至三 (1月28至30號)同2月12至14號就無呢個優惠價啦!! 大家記得用埋 #MyDay_B2 呢個code訂位，仲有額外全單九折優惠，去到3月31號咋!!
张贴
