黑木亭居酒屋 (清風街) (已結業)

黑木亭居酒屋 天后今日小師奶放假，去天后接另一半放工，順便出街食個飯，經過門口見到有幾個人等位，就諗住試下呢間，排咗十分鐘左右就可以入😋😋三點刺身盛叫咗三文魚腩，油甘魚，劍魚腩，三款刺身都好新鮮😋好鮮甜😋勁厚切！好食！！芒果芝士澳洲龍蝦店長推介，話最近好多人食呢個，而家仲有半價！原價$576，宜家$280就可以食到😋龍蝦肉好大舊，好紮實！配上芒果汁同埋芒果肉，感覺好fusion😆好好食😋火炙左口魚邊卷左口魚裙邊上面再加上黑色嘅魚籽，打卡一流🤣佢嘅飯質地幾好，調配醋嘅份量都適中😋😋串燒最有驚喜係黑豚荔枝卷&原條黑豚露筍卷😋😋荔枝卷個texture好好，咬落去煙煙靭靭😆蘆筍卷燒得火候啱啱好，咬落去仲有蘆筍汁！飲品方面叫咗蜜桃烏龍紅茶同埋葡萄檸冰，葡萄檸冰好fresh，但我自己就覺得太甜，下次應該唔會叫🤣蜜桃烏龍紅茶幾好飲！有好可愛嘅小熊，真係唔捨得飲落去😆