鳴門魚市場居酒屋 (已結業)

終於等到一年一度嘅秋刀魚刺身！正！另外用點數換了海膽刺身同五點刺身，好新鮮好好味，有驚喜！牛扒略嫌太韌，冇乜牛味，不過以呢個價錢都冇得挑剔。焗蠔中規中矩，冇乜太特別。串燒屬普通，但都冇咩挑剔。總括黎講，刺身比一般連鎖店新鮮，熟食就冇乜特別。但佢地做緊食200減100優惠，埋單價錢可能同板長差不多，以咁嘅質素算係非常抵食。唔知係咪疫情關係，唔係好多人，環境比較靜，亦算有格調。員工態度亦都好有禮貌並樂於幫忙，值得一讚！