至尊滿屋日本料理 (已結業)

今日约咗朋友食生日饭，咁梗系想食好啲㗎啦，所以就约咗朋友嚟食放题，旺角嘅放题有好多选择，今次就拣咗至尊满屋黎试一试。食物都系选择都唔少，有两大本簿俾你填纸落order，全部都彩色印制，可以俾你睇吓嘢食嘅样系点，令到我样样嘢食都好想试！一嚟到梗系食刺身先啦，都有六至八种刺身可以选择，有鱼生吞拿鱼带子甜虾鲍片等等，厚度都适中，唔会太薄交行货！都几新鲜添！而且叫嘅数量都俾得足，唔会偷鸡比少啲！另外呢度啲熟食都几好食，我好钟意食呢个牛肉火锅，仲有牛舌串烧菠萝玉子，全部都好食！仲有好多寿司，唔会太大旧饭，阻着你个胃口，另外仲有啲杂物，炸番薯好好食同埋炸虾都唔错！仲有最后有雪糕食有最正嘅movenpick同Häagen-Dazs！好食！唯一想改善系饮品饮品选择可以更多会更好！