Total B (已結業)

Total B 雖然都有提供 Pasta， Risotto， Steak 等 Main Dish，不過我相信嚟幫襯嘅人，大部份都會食 Burger，我當然唔例外。由於畀包頂個炸洋蔥圈吸引住，所以叫咗個燒烤風味牛肉漢堡。首先要讚既係個包，熱辣軟熟，烘得微香，面頭鋪滿芝麻，超正😋；手打牛肉漢堡既 juicy 肉味亦算濃，配料有蕃茄，酸青瓜，車打芝士同燒烤醬，雖然簡單但配搭得宜，好食👍；面頭既炸洋蔥圈大大個，又爽又甜，不過食嘅時候凍咗少少，炸漿已經變腍，影響口感。跟餐仲有脆薯圈同田園沙律，前者香脆惹味，後者清新可口，用上 raspberry 醋，除咗一般嘅沙律菜之外，仲有紅肉火龍果，紅肉西柚等生果，都幾揼本😆。一個既豐富份量又多嘅套餐，居然只賣 68 蚊，真係超級抵食😍。