樂園魚旦專家 (電氣道)

营业中

休息中

經過左一間樂園魚蛋河舖頭見到咁多人買外賣，附近有冇其他餐廳，見到門面唔錯，就入咗去試吓。佢嘅價錢算親民，比起連鎖式嘅米線舖頭雖然貴咗啲，但係勝就勝咗佢嘅性價比高。魚蛋河粉一定係必叫，因為魚蛋唔會太鞋，，亦都好彈口，份量都幾多，一個女仔應該都好飽。貪心嘅我就梗係食多啲其他唔同嘅種類啦，拼埋鳯城水餃都唔錯嘅，入面既豬肉都ok 。跟住就係秘製牛雜，份量都幾多，唔會有臭腥味。😂😂😂唔好以為好容易，好多舖頭都清理得唔好搞到有浸臭味。本身想叫崩沙牛腩，但係好可惜地，佢話賣晒！有啲唔開心，不過佢嘅牛腩都好食嘅，起碼肉質夠冧，同埋有肉味。加$11飲咗杯凍檸賓，就好飽好飽地離開去。