更多
2020-10-03
1212 浏览
平日行金百利都唔知原来上层有好多食肆,系openrice揾到呢间日本野好似几多好评,所以就走上黎试下,点知一试之后好满意,结果好快返黎再食第二次,两次写埋一齐。第一次黎果阵系接近晚市时段,油甘鱼刺身,劲厚切,比起出面其他食店,佢真系相对地大方,咁厚既鱼生好有口感,油甘鱼好鲜甜,肉质非常好,超级满意呀!芝士玉子烧我亦非常满意!首先佢一上碟个卖相好靓,热辣辣新鲜做起,一切开,哗!啲芝士争住标晒出黎!一放入口,蛋同埋芝士味,互相系口腔入面回旋游走,再加埋木鱼碎同埋蛋黄酱,同嫩滑既蛋,真系好完美!青龙卷 $50 有四件,几抵食既,但系无乜特别,佢面头有海胆,独立食海胆既话,海胆几鲜甜,但真心唔建议加埋啲饭一齐食,因为海胆会完全无左海胆既味。火炙芝士三文鱼腩,每件 $14,价格靓仔,卖相吸引,味道正,半熟三文鱼油脂既香加埋芝士,只能讲佢地真系好完美既配搭。吞拿鱼蓉寿司正常发挥无惊喜。第二次黎食既系下午茶时段,劲抵食,叫左个牛肉锅乌冬,好少食到啲乌冬系咁入味咖,食好慢,好唔舍得太快食完,佢无论系牛肉定乌冬都入味。鱼生饭份量比较少,不过下午茶正常既,呢个鱼生饭反而无乜惊喜,正正常常咁。平日去居酒屋食
系openrice揾到呢间日本野好似几多好评,
所以就走上黎试下,点知一试之后好满意,
结果好快返黎再食第二次,两次写埋一齐。
第一次黎果阵系接近晚市时段,
油甘鱼刺身,劲厚切,比起出面其他食店,
佢真系相对地大方,咁厚既鱼生好有口感,
油甘鱼好鲜甜,肉质非常好,超级满意呀!
芝士玉子烧我亦非常满意!
首先佢一上碟个卖相好靓,
热辣辣新鲜做起,一切开,
哗!啲芝士争住标晒出黎!
一放入口,蛋同埋芝士味,
互相系口腔入面回旋游走,
再加埋木鱼碎同埋蛋黄酱,
同嫩滑既蛋,真系好完美!
青龙卷 $50 有四件,几抵食既,
但系无乜特别,佢面头有海胆,
独立食海胆既话,海胆几鲜甜,
但真心唔建议加埋啲饭一齐食,
因为海胆会完全无左海胆既味。
火炙芝士三文鱼腩,每件 $14,
价格靓仔,卖相吸引,味道正,
半熟三文鱼油脂既香加埋芝士,
只能讲佢地真系好完美既配搭。
吞拿鱼蓉寿司正常发挥无惊喜。
第二次黎食既系下午茶时段,
劲抵食,叫左个牛肉锅乌冬,
好少食到啲乌冬系咁入味咖,
食好慢,好唔舍得太快食完,
佢无论系牛肉定乌冬都入味。
鱼生饭份量比较少,不过下午茶正常既,
呢个鱼生饭反而无乜惊喜,正正常常咁。
平日去居酒屋食呢个梅渍蕃茄都好贵,
但系呢度追加蕃茄既话,只系 $20 只,
我第一次食,原来梅同蕃茄可以咁夹,
冰冰冻,清新,蕃茄味同梅味好平衡。
有好多野食我都好想食,下次再黎试!
张贴