飯意主題餐廳 (已結業)

綜合水果茶 $33 (跟食品加配$20)一入口較淡，浸多陣茶香就滲出黎，配合火龍果，菠蘿，提子，蘋果等水果，果味幾清新，而且有助中和膩感。 .烤大雞脾扒. 濃湯芝士鍋 $72一上枱亦配有一碗芝士，店員表示可以襯熱放落去鍋度，等佢融化😊。鍋物包括餃子、年糕同米通粉，仲有一隻大雞肶。湯底方面，一入口覺得奶味幾重，芝士味就不太覺啦，通粉份量頗多，K姐表示，如果主食叫辛辣麵或者珍珠米可以較索汁。湯底加入芝士後會變得杰身，用黎點雞肉食唔錯。 .主題小食拼盤 $56有香辣米米腸、芝士烤菇、水牛城雞翼、沙律、煎餃子同薯角。水牛城雞翼味道酸酸甜甜辣辣，醬汁調得幾惹味。米米腸裏面包有紅蘿蔔粒等，但就食唔出辣味。芝士烤菇就唔係就咁一塊芝士放上去焗，而係加上吞拿魚醬一齊焗，大蘑菇仍保留juicy而且柔軟質感，呢個讚👍喔。 .招牌熔岩蛋漿飯 $56 黎呢度必點芝士🧀熔岩蛋漿飯！k黎親都會叫😂，因為同類食品係其他地方食都唔平🙈，配料有洋蔥、午餐肉、泡菜、紫菜等，重點當然係一大碗既芝士同蛋漿，將佢地倒落鐵板再迅速同泡菜炒飯混合，見到一絲絲既芝士好滿足，而且感覺今次芝士味較之前濃。