鋒哥廚房 (已結業)

打完風真係涼番好多，邊爐愛好者既我又要出動啦！今次呢間係元朗既鋒哥廚房，5點到7點，$288一位，羊腩煲放題，任飲任食。枝竹雙冬羊腩煲🤎羊腩煲任食真係好過份，淨係食羊腩係都番到本啦！啲羊腩仲要無呃人，又大又肥美，啲肥膏好適中，羊肉超腍超嫩，羊味好濃，成口都係濃濃既羊味。火鍋：有營蕃茄薯仔湯🧡火鍋都係任食既，湯底有唔少選擇，我地就簡佐相對健康啲既蕃茄薯仔湯，好新鮮好清甜，超級足料！配料無論肉類，蔬菜，海鮮定係丸果啲都任食，啲黑毛豬好香，肉好嫩，海鮮方面蟶子我至愛，又肥又大隻，好正！另外飲品都任飲，生啤都係，打邊爐絕配！