本佐日本燒肉料理 (已結業)

同朋友食生日飯, 兩個人食放題就最好, 唔洗擔心啲嘢唔啱食, 皆因咁多選擇總會有啱心水嘅. 上網睇左一輪食評, 做過下功課, 見本佐燒肉評價幾好, 好多人都話高質, 咁一於嚟試試.當日book左7點半, 我地準時到達, 估唔到時間尚早, 都已經差唔多全場爆滿. 呢到除左有室內卡位, 吧枱之外, 仲有室外位置可以揀. 我地揀左吧枱, 感覺上比較開揚, 油煙唔會咁集中.呢到用嘅係網燒, 唔係鐵板, 食物火喉會較易控制, 唔會咁痴底, 又唔需要落咁多油, 可以原汁原味. 不過一開始燒個陣, 由於尚未有油份, 仍會有少少痴網, 呢個時候可以留意番枱邊有個扭制可以調較火力.好細心有個燒肉解說係張餐紙上面做提醒.用pad落單, 除左唔洗拎住撘紙剔剔剔, 感覺方便又環保, 而且仲冇漏單.雖然餐廳叫做燒肉料理, 但除咗燒肉任食之外, 仲有剌身/海鮮/壽司/野菜/小食/炸物可供選擇, 而且食物質素高, 三百蚊左右一個人, 咁多選擇又任食, 我覺得係抵既!⭐剌身厚切大大塊, 鮮味十足.⭐壽司除咗剌身壽司, 軍艦/火炙壽司外, 仲有蝦卷.⭐炸物入口個陣仲又熱又脆架!即炸即上枱.⭐燒肉好開心, 呢到燒肉既選擇