东方宫兰州牛肉拉面

黎銅鑼灣食野選擇太多，有時反而因爲選擇困難症而無從入手。今日行經呢間專門做蘭州牛肉麵既小店，門面見到師傅隔著塊玻璃搓麵團，覺得幾新鮮，於是就入去試下。

原味牛肉
佢係牛𦟌黎，牛味好香，薄切得黎亦保持到牛肉質感。

原味牛肉

蘭州特色素涼麵
因為係涼麵所以好岩夏天食，湯底帶少少濃稠口感，加埋西芹、芫荽、紅蘿蔔等素菜，夠晒豐富。麵底係即叫即打，所以每一條都好長，而且爽口彈牙，店員仲推介落埋佢地既秘製辣油一齊食，雖然d油望落紅卜卜，但原來唔辣，仲好有麻香味！

蘭州特色素涼麵

秘製紅油

紅燒蘭州牛肉麵
因為都係手打關係，麵夠爽口，掛湯能力唔錯，牛肉粒配埋微辣湯底夠晒開胃。

紅燒牛肉拉麵

烤羊肉串
非常惹味，食得出落左多款調味料，同一般街邊食到落重孜然粉既肉串有明顯分別。

烤羊肉串