達順辣蟹火鍋 (已易手) 新餐厅

之前已經bookmark 左哩間新開左無耐既粥底火鍋店，早一星期前已經預早訂定位，十分期待今晚既海鮮餐🦀🦐🤩🤩平日七點半上到黎已經坐滿七成食客啦，見大部份人都係食緊火鍋（PS 其實達順仲有小菜同燒味嫁，下次再黎就要試下佢個辣酒海鮮拼盤😋😋）講番我地今晚既菜單先👇🏻我地揀左幾款海鮮- 有鮑魚仔、蝦🦐、油貝、花甲、大尾魷🦑同珊瑚蚌，另外每位仲送你半隻肉蟹同沙白！粥水滾起一打開蓋已經傳黎陣陣香濃既米水味道，我地已經急不及待要放哂d海鮮落去啦！唔好睇隻肉蟹細細隻咁，其實好有肉底，真係啖啖肉嫁。蝦🦐、大尾魷同其他海鮮都好新鮮、肉質鮮嫩彈牙😋😋除左海鮮，我地都嗌左打邊爐唔少得既肥牛、花膠仔、雞件、鮮什菇同其他丸類。一定要大讚個肥牛，肥瘦適中，牛味濃郁👍🏻最後個海鮮粥真係真係真係要留肚食呀！睇住佢由白色既粥水餚成充滿海鮮味既綿綿海鮮粥，真係流哂口水！所以精華都濃縮係哩個海鮮粥，佢既甜味同鮮味都係來自海鮮同其他肉類自身既，無再加任何調味😋❤️💯另外要讚下各位店員既服務態度超級好，會留意食客既需要，主動幫你換盤同加茶等等！💯💯