平昌 Premium (已結業)

佐敦莊士倫敦廣場一向出名多野食，今次同朋友揀左呢間平昌食下好耐冇食既韓燒放題。入面環境都好大，岩哂一大班人聚會。一坐底店員就開始放低韓國菜必備小食前菜同一份麻醬沙律。接住會加入我最愛既爐邊蛋。之後就幫我地開爐，會先用一嚿肥豬肉搽好爐面，防止痴底。到主食方面，呢度既選擇都有好多，無論係肉類海鮮，加工食物同蔬菜都有，話明係放題梗係樣樣都試吓啦！呢度仲有得叫韓國拉麵，韓國麵不嬲煙煙unun，吸哂d辦湯仲加左隻蛋，好食！而飲品方面係自助形式，選擇都唔少，除左汽水仲有唔同韓國飲品，個人最喜歡忌廉溝鮮奶，正！總括來講呢度價錢唔貴，但係食物嘅質素亦都好唔錯，真係好抵食！而且不得不讚嘅係所有店員嘅態度都非常好，平均每燒完一次就會有人主動過嚟幫你換爐，非常貼心！