芝味屋 (已搬遷) 新店位置

裝修舒適，幾好坐，有卡位。因為帶埋三歲阿仔去，座位高度啱啱好畀阿仔坐定定食嘢，唔使加BB 凳，幾方便帶小朋友去食。而且啲位夠闊落，坐落唔會覺得迫。價錢實惠，晚餐都係$43 起跳到$68 左右。下午茶都好宜人。推介食佢嘅芝士焗雞扒長通粉，佢可以配飯或意粉，但長通粉可以載住佢融化咗嘅芝士，啲芝士真係好正，雞扒味道剛剛好，我一定會帶埋成家人同阿仔嚟返兜。炒烏冬略鹹，但唔係難食嘅，所以唔中意鹹嘅朋友就最好要留意下。