五月食堂 (已結業)

今日下午係觀塘收工去附近搵野食，之前就好鍾意去駿業街熟食中心度搵野食，因為平靚正。今日經過見到呢間新開既五月食堂，門面幾靚仔，見menu 都好多款食物揀，好似幾好食咁。員工態度都好好，好有親切感。😁我就叫左一個主食一個小食，佢仲送左2隻脆卜卜既餃子。芝士火炙鹽燒安格斯封門柳牛肉飯配溏心蛋 ($58)牛肉好香口，牛味夠，而且口感幾好！加埋d芝士，真係好吸引。調味都做得好好。好飽肚，性價比幾高！👍🏻黑松露芝士醬拼椒鹽炸薯條 ($30)薯條炸得好脆，調味都唔錯。個黑松露芝士醬好重黑松露味，芝士味都突出，整得幾好！😋呢間係絕對可以做飯堂，好多款食物我都想再試😀