紅螞蟻 (已結業)

行開呢頭，見到一間幾新嘅餐廳，未試過，朋友覺得望落似都坐得幾舒服於是入去試吓。見到有個面叫做老媽酸菜火鴨絲面，令我諗起以前喺大陸食過老干媽好好味，於是叫咗黎試吓，個樣望落好辣，不過食落好香，而且都幾足料！最估唔到係咁大個面先係$39 ，性價比極高。原來仲有會員優惠，不過好少呢頭所以我哋就冇做到會員啦。再叫咗個生煎蘿蔔糕，好有驚喜，唔似平時食開嗰啲好多粉嘅蘿蔔糕，見到入面有好多蘿蔔絲，而且煎到金黃色，$32都好抵。凍檸茶做到一般茶餐廳水準，唔錯。