Boire et Manger (已結業)

灣仔性價比高法國菜午市連即叫即做可麗餅只需百幾蚊餐廳位於軒尼詩道近修頓球場, 室內有超級多嘅打卡位, 光係打卡呢都可以打半個鐘以上。套餐選擇幾多，價格比附近的西餐更勝價。當日下午兩點到，絕對係食午餐最優質時間 午餐頭盤沙律及前菜二揀一叫咗蘑菇湯 香濃好味 而且份量好多仲有一舊好好味嘅麵包 好味過好多西餐廳，有口感！主菜叫咗法國油封鴨如果想知道間餐廳廚師得唔得呢個菜式係必點啊！份量很夠大，女士未必食得曬，外皮很香。薯蓉好正，夠滑！甜品 必點: 雜莓可麗餅配雲呢拿雪糕暫時係我本年度食過最好味嘅可麗餅我睇餐牌先發現即使散叫價格都很值得，下午偷懶可以過來點一個配個咖啡，扮下法國人。另外，仲散點了鵝肝前菜喺醬料配搭上花咗唔少功夫，增加了鵝肝的口感，減少油膩。地點就腳，而且室內裝修好新淨好適合打卡。適合與一班閨蜜一齊去享受下午茶或者午餐。