黑樺牛 (已結業)

🍲日本黑樺牛火鍋放題(成人$438 / 小童$288)有7款湯底揀，例如黑樺祕製酸辣魚鍋、花雕日本薩摩雞藥膳鍋、北海道豆乳玖瑰芝士鍋(每日限量)、黑松露野生竹笙松茸菌鍋….今次我揀左我最愛嘅壽喜燒😍滿滿嘅蔬菜鍋砌到靚一靚好有日本feel~最正係鍋底有粗粉絲，索哂啲壽喜司汁，勁好食！因為我同朋友兩個去食，所以享用到2人同行優惠，一上枱會係好正又免費嘅北海道大元貝牡蠣海鮮拼盤🤤今次海鮮有2隻大蝦🦐&6隻牡蠣🦪，用蒸焗方法系你面前處理，咁就可以原汁原味咁享受最鮮嘅味👍🏻仲要大大隻好飽滿，即刻變到勁抵😌之後就會上一個好岩打卡嘅黑樺牧場精選層架，第一層有砌成玫瑰花嘅嘅兩款雪花紋和牛肉，第二層就係豚肉，底層就係蟹粰蝦滑同黑松露墨魚滑。另外仲有好多款火鍋配料，有幾款肉想推介大家一定要食，分別係牛前胸(肉質超嫩滑)、和尚頭(肉質爽口d，牛肉味濃)同埋層架頂層冇砌玫瑰花形嗰款和牛(牛肉味濃)，其他質素都係好，只不過各人有各人口味😎小食方面就有個柚子炸雞翼同鬼馬油炸鬼都好食，雞翼炸得幾香脆，柚子醬令到食落fresh d，冇咁易滯；鬼馬油炸鬼係油炸鬼上面加左蝦膠，脆得黎蝦膠又彈牙，好食👍🏻飲品方面，除左普通