韓閣 (已結業)

雖然啱啱先喺韓國返嚟 但我已經好掛住韓國美食了😂 見到韓閣喺黃大仙開咗旗艦店 樓底高 裝修行韓國懷舊復古風 就去止下癮先🇰🇷招牌韓國歡樂盆以多款韓式主菜作主打 配搭紫菜飯 年糕 泡菜 醬瓜 芝士蛋 同鍋邊蛋🍳 上枱時跟埋 Gas爐熱住🔥 我哋就試咗韓式牛肉 如果食呢個嘅話一定要將所有配料 加埋啲紫菜飯泡菜撈勻先食 仲有芝士拉絲🧀蜂蜜牛油味炸雞外脆內軟 醬汁甜甜地 仲有啲蒜蓉減輕油膩感🍗飲品方面都有好多選擇😍 有韓國大熱嘅 3.6牛乳400次咖啡 咖啡奶泡綿密帶焦糖香 加入3.6牛乳好睇又好飲☕️🥛 菠蘿可樂冰最啱打卡 酸甜嘅菠蘿汁加埋冰凍可樂解渴一流 啱晒食熱氣嘅韓國嘢嗰陣飲 仲要超大杯！黃大仙旗艦庛除咗提供韓式料理 亦開設咗台式輕食甜品咖啡店同零售速食店售賣多款韓式食物 食完飯仲可以行吓掃貨返屋企🤩力推lavelee乳酪雪糕 我近期最愛雪糕沒有之一 個日見到勁齊貨🤤