影片
更多
2023-01-12
1234 浏览
依家入夜天气开始无咁热，正当同朋友仔两个人行完新城市广场，就突然灵机一闪想去打个边炉，咁打开边炉就紧系食埋任食放题，贪佢够饱又唔使太贵呀嘛！谂法一起，我地就上网揾左呢间大围既金凯小厨试一下佢既$198任食放题。唔好以为$198无咩野食，呢个套餐都有好多野食，除左有招牌麻辣鸡煲（半只），四款串烧，仲有四种可以无限encore既牛肉类，而且包食包饮，有无限提供到汽水同埋啤酒，都可以算系物超所值。串烧黎讲，作为餐前小点都不错，我地点左烧生蚝，烧扇贝鸡泡鱼干，海虾同埋牛舌。牛舌都烧得几嫩滑，有肉汁。生蚝同扇贝加左蒜去烧都烧得几好味，鸡泡鱼干就稍微烧得比较死实，有d烂咬 , 但系任食任饮场有鸡泡鱼干都算少见，所以都有分加！鸡煲（半只）我地叫左小辣，店员同我地讲炒几下之后就可以开波食得。食落呢个鸡煲水准唔差，酱汁惹味，鸡身爽脆。而且唔会过熟，鸡煲一过熟就会鞋，而呢个鸡煲肉质嫩滑，证明师父掌控火喉都相当唔错！食完成个鸡煲后，其实已经有少少饱，店员叫我地加汤，咁我就拣左胡椒猪肚鸡汤，正当我谂住剩系加汤既时候，原来系成煲鸡再黎过，即系再整个半只鸡加埋个胡椒猪肚汤，咁咪即系半只加半只。变左做一只鸡，个下觉
串烧黎讲，作为餐前小点都不错，我地点左烧生蚝，烧扇贝鸡泡鱼干，海虾同埋牛舌。牛舌都烧得几嫩滑，有肉汁。生蚝同扇贝加左蒜去烧都烧得几好味，鸡泡鱼干就稍微烧得比较死实，有d烂咬 , 但系任食任饮场有鸡泡鱼干都算少见，所以都有分加！
鸡煲（半只）我地叫左小辣，店员同我地讲炒几下之后就可以开波食得。食落呢个鸡煲水准唔差，酱汁惹味，鸡身爽脆。而且唔会过熟，鸡煲一过熟就会鞋，而呢个鸡煲肉质嫩滑，证明师父掌控火喉都相当唔错！
食完成个鸡煲后，其实已经有少少饱，店员叫我地加汤，咁我就拣左胡椒猪肚鸡汤，正当我谂住剩系加汤既时候，原来系成煲鸡再黎过，即系再整个半只鸡加埋个胡椒猪肚汤，咁咪即系半只加半只。变左做一只鸡，个下觉得好震撼，如果以呢个价钱黎讲，一只鸡仲有唔同风味（麻辣+胡椒猪肚），简直系超值！再砌完呢半只胡椒猪肚鸡，其实我地已经饱左了，但都叫左一转四款唔同牛肉，不过因为饱既关系，其实无咩点真正品尝，不过印象中有一款厨师发办牛肉系好食既，一送上黎牛肉肉质都好靓，睇得出系一款靓牛，问返师父话系牛颈脊，建议钟情食牛既朋友可以多多点呢款牛。
去到呢一刻我地已经完全饱哂，最后叫左d菜同埋叫左佢既虾黎食。估唔到虾既质素又系ok ! 试左佢地咁多样野都有惊喜，可以讲佢性价比真心高！
食完埋单后，出面就有巴士站直出返去沙田，我地因为太饱既关系，所以慢慢沿路行返去屯马线上车返归，问返朋友感受同我几乎完全一样。以呢个质素系会令我返转头再食，期待天气再冻d , 到时再返黎试多次！
2 浏览
0 赞好
0 留言
张贴
