佐賀山田 (已結業)

打風最好做乜？梗係去食啦，因為除咗餐廳所有舖頭都閂晒。趁呢個風咁鬼弱，我決定同老公去青衣佐賀山田食燒肉。餐廳有shabu shabu同燒肉分開坐兩邊。因為上星期先食完shabu shabu，所以我哋今次揀食燒肉。出邊有好多配菜同飲品雪糕任拎。啤酒都係加$58就可以任飲，好抵。我地簡左松放題（$398），因為有我最鍾意食甲羅燒，真係唔怕膽固醇高的話食多幾個就回本。而且呢個set最多牛肉款式啱晒我哋兩個牛魔王。呢個價錢已經有135品，性價比高過牛X好多。牛肉方面基本上都有原味，燒肉汁，鹽味等等幾隻味入嚟夾硬。除咗牛肉之外豬雞都有好多唔同款式，帶子大大隻，海蝦都大大隻，仲有生蠔添。基本上一樣食一件都食唔晒。火爐亦夠猛，唔會燒極都燒唔熟，基本上我地密密手，一個鐘都飽左7成。不過臨走俾我發現下晝仲要係$298咋， OpenRice仲有八折coupon,下次一定要下晝再嚟食。